Peticion kundër ratifikimit të marrëveshjes për delimitimin e kufirit detar
![[mail]](img/envelope.gif){kind=small}
Më 27 prill 2009 qeveria e Shqipërisë nënshkroi me qeverinë greke një marrëveshje për kufirin detar midis dy vendeve. Studime nga specialistë treguan se Shqipëria humbiste 354.4 km2 nga kjo vijë kufitare dhe shumë zëra i kërkuan institucioneve të shtetit shqiptar që të mos e ratifikojnë marrëveshjen.
Këtë objektiv pati edhe një peticion i organizuar në internet i cili deri më sot ka mbledhur 3172 nënshkrime nga qytetarë shqiptarë.
Nën presionin mediatik dhe të opinionit, qeveria shqiptare u detyrua të mos e kalojë marrëveshjen në votim përpara Kuvendit të Shqipërisë në datën 19 tetor siç ishte parashikuar. Shkak për këtë u bë edhe kërkesa e një grupi partish të opozitës së majtë dhe të djathtë për të verifikuar kushtetutshmërinë e marrëveshjes. Aktualisht pritet vendimi i Gjykatës Kushtetuese, por ende pa u bërë publik ky vendim, qeveria ka planifikuar që ta kalojë marrëveshjen në Kuvend në fillim të dhjetorit.
Për këtë arsye organizatorët e peticionit iu bëjnë thirrje qytetarëve shqiptarë kudo që ndodhen që të mobilizohen dhe të nënshkruajnë peticionin.
Adresa e peticionit: http://www.gopetition.com/online/31143.html
NJOFTIM
Pseudo shkenca në shërbim të demonizimit të një kombi
NJOFTIM
Vizita për të mos i humbur edhe vizitat
XML Feeds
